वाट तुझीच पाही.....
लेवून गाली
लञ्जेची लाली
अधीर मन माझे
वाट कुणाची पाही.....
हातावरल्या
नक्षीदार मेहंदीसवे
गुंफित स्वप्ने
वाट कुणाची पाही.....
सगे सोयरे
समीप सगळे
तरी उतावीळ मन
वाट कुणाची पाही.....
शकुनाच्या हळदीने
माखली काया
तरी चोरून मन माझे
वाट कुणाची पाही.....
अंगी लेवून
शालू भरजरी
उभी मी नवरी
वाट कुणाची पाही.....
हाती चूडा
पायी जोडवी
सजून धजून मन
वाट कुणाची पाही......
धन्य झाले
घालून मंगळसूत्र
सलज्ज मन माझे
वाट तूझीच पाहे......
अंगी पडता
आशिष अक्षता
मोहरून मी सख्या
वाट तूझीच पाही.....
वाट तूझीच पाही......
----- डॉ माधुरी -----
वा माधुरी..अतीशय सुंदर रचना...!
ReplyDelete