वाट तुझी

भास - आभासांचे धुसर धुके,
त्यात तुला शोधण्याचे,
माझे प्रयत्न फुके।
आठवणींच्या नभांची गर्दी
होता दाट..
हाती नसते काही, फक्त पाहाणे तुझीच वाट।।

त्या वाटांचे नीरव-रीतेपण,
वाढवी मज ह्यदयीचे ठोके।
तुझ्या नसण्याच्या जाणिवेने,
आज सारे जगचं वाटे ओकेबोके।।
आठवणींच्या तरुंची गर्दी होता दाट..
हाती नसते काही, फक्त पाहाणे तुझीच वाट।।

त्या तरू- छायेखाली, ठेवूनी
तव खांद्यावर डोके।
स्वप्नवत वाटे सारे, सांगू कसे
माझे शब्द ही पडती फिके।।
आठवणींच्या पक्षांची गर्दी होता दाट..
हाती नसते काही फक्त पाहाणे तुझीच वाट।।

त्या पक्षांनी घेता उंच भरारी,
गर्द नभांची दाटी फाके।
अन् निळ्या गगनावरती,
स्वप्नांचे इंद्रधनू वाके।
आठवणींच्या सप्तरंगांची गर्दी
होता दाट...
'तू'दिसलास मला पाहताना,
'माझीच' वाट।।

डॉ.सीमा कुलकर्णी-देशपांडे.