"मैत्री"

मैत्री तुझी -माझी,
         जशी गाठ रेशमाची।
कधी ना सुटायची,
कधी ना तुटायची।।

मैत्री तुझी -माझी,
      जशी पालवी चैत्राची।
बहर पाहुनी ऐकू येते जशी,
        साद कोकिळेची।।

मैत्री तुझी-माझी,
   जशी तलखी वैशाखाची
 कधी रुसव्यांची
तर कधी फुगव्यांची।।

मैत्री तुझी-माझी,
जशी कुपी सुगंधाची।
एकत्र घालवलेल्या  क्षणांची
 अन् पाहिलेल्या स्वप्नांची।।

मैत्री तुझी-माझी,
   जशी शीतलता चंदनाची।
स्वतः  झिजूनी इतरांना।        
 सुगंध देण्याची।।

मैत्री तुझी-माझी,
       अशी लाख मोलाची।
कधी ना सुटायची,
        कधी ना तुटायची।।
डॉ.सीमा कुलकर्णी -देशपांडे.